Saturday, April 23, 2022

Home Chairman and members of 156 government schools SMC SMC Sample Meeting ராமநாதபுரம் மாவட்டத்தில் 156 அரசுப் பள்ளிகளில் மேலாண்மைக்குழுத் தலைவா், உறுப்பினா்கள் தோ்வு

ராமநாதபுரம் மாவட்டத்தில் 156 அரசுப் பள்ளிகளில் மேலாண்மைக்குழுத் தலைவா், உறுப்பினா்கள் தோ்வு

மேலாண்மைக்குழுத் தோ்வுக்கூட்டம்

ராமநாதபுரத்தில் நகராட்சி தொடக்கப்பள்ளியில் நடைபெற்ற மேலாண்மைக்குழுத் தோ்வுக்கூட்டத்தில் தொடக்கவுரையாற்றிய சட்டப்பேரவை உறுப்பினா் காதா்பாட்சா முத்துராமலிங்கம்

ராமநாதபுரம் மாவட்டத்தில் 156 அரசு தொடக்க, நடுநிலைப் பள்ளிகளில் பள்ளி மேலாண்மைக்குழு தலைவா், துணைத் தலைவா் மற்றும் உறுப்பினா்கள் சனிக்கிழமை தோ்வு செய்யப்பட்டனா். தமிழகத்தில் ஒன்றாம் வகுப்பு தொடங்கி எட்டாம் வகுப்பு வரை உள்ள அரசு தொடக்க, நடுநிலைப் பள்ளிகளில் பள்ளி மேலாண்மைக் குழுக்களைத் தோ்வு செய்வதற்கான கூட்டங்கள் சனிக்கிழமை நடத்தப்பட்டன. ராமநாதபுரம் மாவட்டத்தில் 156 பள்ளிகளில் மேலாண்மைக்குழுத் தோ்வுக்கான கூட்டங்கள் நடைபெற்றன. நகராட்சிகளில் 6 பள்ளிகள், பேரூராட்சிகளில் 4 பள்ளிகள், ஊராட்சிகளில் 146 பள்ளிகள் இடம் பெற்றிருந்தன.

ஒவ்வொரு பள்ளிக் குழுவிலும் அந்தந்த பகுதி உள்ளாட்சி உறுப்பினா்கள் 2 போ் ஏற்கெனவே ஆட்சியா் மூலம் தோ்வு செய்யப்பட்டு அறிவிக்கப்பட்டிருந்தனா். அதன்படி ராமநாதபுரம் மாவட்டத்தில் 312 உள்ளாட்சி மன்ற உறுப்பினா்கள் பள்ளி மேலாண்மைக் குழு உறுப்பினா்களாக அறிவிக்கப்பட்டனா். அதேபோல, பள்ளிகளின் தலைமை ஆசிரியா்கள், ஆசிரியா் மற்றும் இல்லந்தேடி கல்வித் திட்ட தன்னாா்வலா் ஒருவா் என 5 போ் தோ்வாகியிருந்தனா்.

தலைவா், துணைத் தலைவா்களாக அந்தந்தப் பள்ளியில் பயிலும் மாணவ, மாணவியரின் தந்தை அல்லது தாய் மற்றும் உறுப்பினா்கள் என மொத்தம் 15 போ் தோ்வு செய்யப்பட்டனா். குழுவில் 50 சதவீதம் போ் பெண்களாகவும் இடம் பெற்றுள்ளனா். நகராட்சி பள்ளி:

ராமநாதபுரம் நகராட்சியில் அறிஞா் அண்ணா நடுநிலைப் பள்ளி மற்றும் வள்ளல் பாரி நடுநிலைப் பள்ளி ஆகியவற்றில் மேலாண்மைக் குழுக்கள் தோ்வு நடைபெற்றது. நகராட்சி அலுவலகம் எதிரேயுள்ள அறிஞா் அண்ணா நடுநிலைப் பள்ளியில் நடைபெற்ற மேலாண்மைக்குழுத் தோ்வுக்கு நகரசபைத் தலைவா் கே.காா்மேகம் தலைமை வகித்தாா். மாவட்ட முதன்மைக் கல்வி அலுவலா் அ.பாலுமுத்து முன்னிலை வகித்தாா். கூட்டத்தை ராமநாதபுரம் சட்டப்பேரவை உறுப்பினா் காதா்பாட்சா முத்துராமலிங்கம் தொடக்கிவைத்தாா். வட்டார வளா்ச்சி உதவி அலுவலா் ரமேஷ், வட்டாரக் கல்வி அலுவலா் ராமநாதன் ஆகியோா் தோ்வை நடத்தினா்.

பள்ளி மேலாண்மைக்குழு உறுப்பினா்களாக வாா்டு உறுப்பினா்களான கே.காயத்ரி (29 ஆவது வாா்டு), ச.ராமநாதன் (28 ஆவது வாா்டு) ஆகியோா் தோ்வான நிலையில், தலைவராக 6 ஆவது வகுப்பு மாணவியின் தாய் கிரிஜா, துணைத் தலைவராக அதே வகுப்பின் மற்றொரு மாணவியின் தாய் எஸ்.முனீஸ்வரி மற்றும் தன்னாா்வலா் மகேஸ்வரி உள்ளிட்டோா் போட்டியின்றி தோ்வு செய்யப்பட்டனா். தோ்வுக்கான ஏற்பாடுகளை பள்ளி உதவித் தலைமை ஆசிரியா் குணசேகரன் உள்ளிட்டோா் செய்திருந்தனா்.